લખાણમાં કઈકઈ બાબતોની કાળજી રાખવી જોઈએ કે જેથી તે સ્પષ્ટ અર્થ દર્શાવનારું, સંવાદી અને શુદ્ધ બને તે માટેની મહત્ત્વની થોડી બાબતો અહીં જોઈએ .
શબ્દઘટકો લખવાની રૂઢિ :
💥- વાક્યમાં આવતો ભારદર્શક શબ્દ ‘જ’ હંમેશાં છૂટો લખવો.
દા.ત. : 👉~ રમેશ *જ* આ કામ કરશે. 👉~ હું સુરત જઈશ *જ*. 👉~ આજે વરસાદ પડવો *જ* જોઈએ.
(તેમજ અને ભાગ્યેજ માં ‘જ’ ભેગો લખાય છે.) |
💥- વાક્યમાં આવતો *ય* કે *યે* જ્યારે ‘પણ’ના અર્થમાં વપરાય ત્યારે તેને શબ્દ સાથે જોડીને લખવો.
દા.ત. : 👉~ કરશનકાકાયે આવે, તમેય આવજો.
👉~ બાળકો તો દફતરેય લાવશે. |
what up | |
teligram chenal | |
what up chenal |
-💥 વિભક્તિના પ્રત્યયો શબ્દની સાથે જોડીને લખવા.
(હિન્દીમાં આવા પ્રત્યયો જુદા લખાય છે.)
ALSO READ :U-Dictionary: Oxford Dictionary Translate & Learn English
દા.ત. : 👉~ ખેતરમાં ઢોર બાંધેલાં છે. 👉~ તેણે કૂવામાંથી પાણી કાઢીને બધાંને પાયું. 👉~ મોટાંઓએ નાનાંની વાતો ધ્યાનથી સાંભળવી જોઈએ.
|
💥-નામયોગી છૂટાં લખાય છે.
દા.ત. : 👉~ લીમડા *નીચે* એક ખાટલો પડ્યો છે. 👉~ ઘર *પાસે* એક નાનકડું મંદિર હતું.
👉~ ગામ *નજીક* એક સુંદર ટેકરી હતી. |
💥દ્વિરુક્તિવાળા શબ્દો ભેગા લખવા.
- દા.ત. :
- 👉તમતમારે, જુદાજુદા, સાથોસાથ, દૂરદૂરથી, ભાતભાતના, કેટકેટલું, વારંવાર, જેમતેમ વગેરે
💥- સામાસિક પદો ભેગાં લખવાં.
- દા.ત. :
- 👉આજકાલ, નાનાંમોટાં, માબાપ, લાંબુંટૂંકું, હારજીત, જીવનયાત્રા, સીતારામ, રામબાણ, મંદસ્વરે, ઉપરનીચે વગેરે
How to improve Handwriting ? l Gujrati // અક્ષર સુધારણા કરી લો આ ઉપાય
💥- પણ ક્યાંક શબ્દ લાંબો જણાય ત્યાં વચ્ચે લઘુરેખા મૂકી શકાય.
- દા.ત. :
- 👉વેપાર-વણજ, આસમાની-સુલતાની, ધંધા-રોજગાર વગેરે
💥- સંયુક્ત કે સહાયકારક ક્રિયાપદ છૂટાં લખવાં.
દા.ત. : 👉~ તે *વાંચતો* હતો. 👉~ બળદને રસ્તા પર *બાંધી* દીધો. 👉~ કાલે પરીક્ષા છે એટલે હું *વાંચતો* હોઈશ.
👉~ તેઓ ઘ૨માં *બેઠાં* હશે. |
લખાણમાં રાખવાની કાળજી - ૨
-વશાત્, -પૂર્વક, -વત્, -વિષયક વગેરે જે શબ્દની પાછળ આવે તે શબ્દ સાથે જોડીને લખવાં.
- દા.ત. :
- ~ મેં ભારપૂર્વક સૌને આ વાત કરી.
- ~ આજે તેણે વિધિવત્ પૂજન કર્યું.
- ~ સંજોગવશાત્ બસ સમયસર આવી ગઈ.
- ~ આ મુદ્દો વ્યાકરણવિષયક છે.
- *તોપણ* અને *જોકે* ભેગાં લખવાં.
- દા.ત. :
- ~ હું નહિ આવું તોપણ તેઓ આવશે.
- ~ જોકે તે સારા ગુણે પાસ થઈ ગયો છે.
- જેમ કે, કેમ કે, કારણ કે માં ‘કે’ જુદો લખવો.
- શબ્દગુચ્છ :
જ્યારે આપણે કથન કરતાં હોઈએ ત્યારે શબ્દોને સળંગ બોલીએ છીએ; પરંતુ લખતી વખતે દરેક શબ્દની વચ્ચે જગા રાખીએ છીએ. ઘણી વખત લખાણમાં આપણે બે શબ્દો (પદો) છૂટા લખીએ છીએ અને ઘણી વખત એ બે શબ્દોને એક કરીને પણ ઉપયોગમાં લઈએ છીએ. જુઓ,
- (૧) એમનું ઘર જમાઈની કમાણીથી ચાલતું હતું.
- ~ માયા માટે ઘરજમાઈ રહે એવો મુરતિયો એ જાતે જ શોધશે.
- (૨)અનાજ બજારમાંથી લઈ આવવાનું હતું.
- ~ કૅમ્પની અનાજબજારમાં ખીજડિયા હનુમાન પાસે તે પંચાળની વાતો કર્યા કરતા.
- (૩) ગીધ દૃષ્ટિ કરીને જોવા લાગ્યું.
- ~ ગીધદૃષ્ટિ ગિધુભાઈ અને મીનીદૃષ્ટિ મેનાબહેન તે દેખી ગયાં.
આ ત્રણેય વાક્યગુચ્છોમાં પહેલાં વાક્યોમાં બે શબ્દોને છૂટા લખ્યા છે, જ્યારે બીજાં વાક્યોમાં એ બે શબ્દોને ભેગા લખીને તેનો સમાસ કર્યો છે. બે-ત્રણ શબ્દો જોડાઈને સમાસ બને છે ત્યારે સાથે લખાય છે, પણ જ્યારે આ શબ્દો છૂટા લખાય છે ત્યારે તેનો અર્થ પણ જુદો બને છે. તે વાંચવાથી તમને સમજાઈ જશે.
હા, કોઈ શબ્દ સમાસ બને પણ તે લાંબો જણાય તો વચ્ચે લઘુરેખા મૂકવી.
- દા.ત.
- ~ સસરો-જમાઈ કંઈક ને કંઈક પ્લાનિંગ કર્યા કરે.
- ~ તેઓની શક્તિ પરમેશ્વર જેવી અનંત-અમાપ નથી.
- ~ ભાઈ-ભગિની ભેળાં બેસી સુખનો હીંચકો ખાતાં.
સંદર્ભ - ધો-૧૨ ગુજરાતી પાઠ્યપુસ્તક
